Бөлүмдөр
Ишемби, 19-январь
Чүй облусуСокулук району 16.12.2017 12:19 На русском

Аялдык милдеттерин аткарган эмес: Сокулукта аялын ур-токмокко алган жигитке 5 миң сом айып салынды

Turmush -  Сокулук райондук соту аялын ур-токмокко алган 25 жаштагы Х.Д.нын кылмыш иши боюнча чечим чыгарды. Бул тууралуу соттун 30-ноябрдагы токтомунда кабарланды.

Сот отурумунда Х.Д. 2017-жылдын 23-июнунда Сокулук айылындагы үйүндө аялы (Х.А.) менен урушуп, анын денесине зыян келтиргени аныкталды.

Х.Д. күнөөсүн моюнуна алып, аталган күнү үй-бүлөлүк жаңжал болгонун билдирди. Анын айтымында, аялы Х.А. акыркы убактарда үйдөгү аялдык милдеттерин аткарбай жана анын сөздөрүн укпагандыктан аны 2 жолу бетине чапкан.

Ал эми, жабырлануучу 23-июнь күнү күйөөсү жаңжал чыгарганын билдирди. Ал белгилегендей, уруш учурунда айыпталуучу аны чаап жана тээп жиберген.

Соттук-медициналык экспертизанын тыянагына ылайык, Х.А. баш сөөгүнөн, мээсинен жана бетинен жаракат алган.

Жыйынтыгында сот Х.Д.ны күнөөлүү деп таап, мамлекеттин кирешесине 5 миң сом айып төлөп берүү чечимин чыгарды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×